🏏 भैरवनाथ विद्यालयाचा क्रिकेटमध्ये दणदणीत विजय!

अवसरी खुर्द येथील भैरवनाथ माध्यमिक विद्यालयाच्या १७ वर्षे वयोगटातील क्रिकेट संघाने तालुकास्तरीय स्पर्धेत दमदार सांघिक कामगिरी करत प्रथम क्रमांक पटकावला.

लांडेवाडी येथे झालेल्या स्पर्धेत भैरवनाथ विद्यालयाच्या संघाने पंडित जवाहरलाल नेहरू महाविद्यालय, निरगुडसर संघावर मात करत विजेतेपद मिळविले.

गोलंदाजीत खेडकर नीरज निशांत, टेमकर साई अरविंद, थोरात आर्यन सुनील आणि शिंदे विराज प्रकाश यांनी प्रभावी कामगिरी केली.

या उल्लेखनीय विजयामुळे भैरवनाथ विद्यालयाच्या संघाची पुणे जिल्हास्तरीय स्पर्धेसाठी निवड झाली आहे.

विद्यालयाचे मुख्याध्यापक श्री. मटाले जे. बी. सर यांनी सर्व खेळाडूंचे अभिनंदन केले. क्रीडा शिक्षक श्री. तोरडमल एम. ए. सर यांचे मार्गदर्शन खेळाडूंना लाभले.

या यशाबद्दल शालेय व्यवस्थापन, स्कूल कमिटी सदस्य आणि माजी विद्यार्थी संघाच्या वतीने दिनांक १६ रोजी विजयी खेळाडूंचा सत्कार करण्यात आला.