जिल्हा क्रीडा परिषद पुणे, क्रीडा अधिकारी कार्यालय पुणे आणि पंडित जवाहरलाल नेहरू माध्यमिक व दत्तात्रय गोविंदराव वळसे पाटील उच्च माध्यमिक विद्यालय, निरगुडसर यांच्या संयुक्त विद्यमाने स्पर्धेचे आयोजन करण्यात आले. १४, १७ आणि १९ वर्षांखालील मुला-मुलींच्या संघांनी सहभाग घेतला.

तालुका क्रीडा अधिकारी शोभा पालवे यांच्या मार्गदर्शनाखाली स्पर्धेचे उद्घाटन झाले. यावेळी मुख्याध्यापक संघाचे माजी अध्यक्ष विनोद बोंबले, कार्याध्यक्ष राजू आढळराव पाटील, काळभैरवनाथ विद्यालय, खडकीचे मुख्याध्यापक अविनाश ठाकूर, माजी प्राचार्य सुनंदा गोरे तसेच तालुक्यातील क्रीडा शिक्षक उपस्थित होते.

आंबेगाव तालुका क्रीडा संघटनेचे अध्यक्ष प्रवीण हिंगे आणि विद्यालयाचे क्रीडाशिक्षक भरत खिलारी यांनी स्पर्धेचे नियोजन केले. बक्षीस वितरणावेळी निरगुडेश्वर शिक्षण विकास मंडळाचे सचिव प्रकाश तापकीर, संचालक सुनील वळसे पाटील आणि श्रीकांत पवार उपस्थित होते. विजयी संघांना सन्मानचिन्ह देऊन गौरविण्यात आले.